ПОКАНА ЗА КОНФЕРЕНЦИЈА

Конференција за изборниот законик и организирање на фер и демократски избори


Ги повикуваме сите претставници  на  политичките партии, претставници на Мисијата ОБСЕ/ОДИХР во Скопје, Државната изборна комисија-ДИК и невладини организации, посветена на дискусија околу одредбите од Изборниот законик кои се однесуваат на:


Изборниот модел

Нагласуваме дека со постојниот модел, во секој изборен циклус за парламентарни избори, не само што се оштетени и елиминирани помалите партии, туку се нанесува голема неправда на над 100.000 гласачи кои гласаат, а немаат ниту еден свој претставник во Собранието


За начинот на финансирање на партиите

Во овој момент буџетот се празни со енормни суми во полза на само 4 партии. За какви фер и демократски избори може да стане збор? Дури и ставката во Изборниот законик од 280.000 евра годишно за партии кои имаат аналитички центри, а такви сме и ние, оди исклучиво кај големите партии. На што сме ние оставени? Да молиме “бизнисмени“ со нивните непристојни предлози?


Рамноправното  медиумско покривање

Да разговараме за еднакви можности барем на јавниот сервис и телевизиите со национални концесии.


Начин на идентификација на гласачите

Ве молиме да го проучите изборното законодавство и да изготвите свои предлози за кои ќе дискутираме.


Сега кога се најавува отворање на Изборниот законик, сметаме дека е краен момент помалите партии, парламентарни и вонпарламентарни, да заземат став во насока на вистинска, а не заробена плурална демократија.


Ова е наш заеднички интерес, без разлика на сите различности кои постојат помеѓу партиите. Ние сме еден субјект од ЕДНАКВИТЕ! Гласот за оваа неправда мора да се дигне инаку ќе сметаме дека „малите” уште сега калкулираат со предизборни коалиции.

Сметаме дека учеството на претставници на ЦИВИЛ во голем степен ќе ја збогати дискусијата, и ќе даде конструктивни насоки во однос на горенаведените точки на конференцијата.


Конференцијата ја планираме во периодот помеѓу 10 и 15 септември 2019 година. Ве молиме преку порака на нашата електронска пошта да го потврдите начелно своето присуство за да можеме да испланираме соодветна сала (glaszamakedonija@gmail.com). Откога ќе го добиеме вашиот одговор, ќе го договориме точниот датум, време и место на одржување на оваа многу важна конференција.