Решително „НЕ“ за политичките диктати!

ГЛАС ЗА МАКЕДОНИЈА најостро реагира на притисоците и омаловажувањето на македонскиот народ и директното оспорување на неговото суверено право на самоопределување и на изразување на сопствниот идентитет, а кои потекнуваат од асиметричните и штетни договори од 2017 г. – Договорот за добрососедство со Бугарија и од 2018 г. – Преспанската спогодба со Грција. За нас, особено се неприфатливи невистините за македонската историја, за македонскиот јазик и идентитет изнесени во контраверзниот меморандум на Р Бугарија и ги сметаме за антицивилизациски преседан и политички чин на условување и понижување на македонскиот народ. Политичкото и дипломатскто однесување на македонската актуелна власт во врска со овој актиелен политички диктат, значи само едно – негрижа за македонските национални и државни интереси и свесно капитулирање.


ГЛАС ЗА МАКЕДОНИЈА бара од целокупната македонска политичка заедница (позиција и опозиција) и од општествената јавност активна, реципрочна и соодветна политичка реакција и содржина во одбрана на историјата на македонскиот народ, неговиот идентитет, јазик, неговата култура. Идентитетските прашања за македонскиот народ, како и за кој било друг народ, имаат суштинско значење и во однос на нив не треба да има никакво отстапување!



Recent Posts

See All