ЗДРАВСТВОТО И КОРОНАТА

Што можеше, а не беше сторено


Светската пандемија предизвикана од вирусот Sars-Cov-2 го имаше својот почеток во декември во кинескиот град Вухан. Од таму вирусот беше пренесен во Европа, каде првично пламна во Италија, со првиот регистриран случај на 31 јануари 2020 година. Првиот регистриран случај во Македонија беше на 26 февруари 2020 година. Зошто е значајна оваа хронологија?! Затоа што укажува дека имаше временска рамка за подготвителни активности од страна на нашите власти. Но дали беа направени подготвителни активности и дали воопшто имаше генерален план за дејствување?!


Имено во периодот од скоро месец дена имаше време да се направи стратегија за справување со кризата, но она што го видовме како реализација покажа дека се носеа (препишуваа) решенија без доволна анализа и стратегија и со низа пропусти. Од самиот почеток требаше да има засилена набавка на медицинска заштитна опрема и респиратори. Нашите здравствени работници беа оставени на почетокот на кризата без опрема, потоа без доволно опрема, која поради недостаток и не беше правилно користена, а респиратори уште не стигнаа. Не видовме никаков стратегиски план ни за ангажирањето на здравствените работници. Тоа беше правено ад хок, без анализа на кадровскиот потенцијал, без работен план за етапите при развој на пандемијата, што ќе го земе во предвид бројот и специјалностите кои би биле ангажирани. Ова претставуваше изложување на дополнителен стрес на здравствените работници да се справуваат со нова инфективна болест без дополнителна обука и упатства, кои и онака реално беа ставени под висок ризик за сопственото здравје и живот.


Наместо да се проанализираат внатрешните производствени капаците и да се повикаат фирмите кои имаат можност за производство на заштитна опрема, тоа се остави да го сторат поединци на приватна иницијатива. Големо БРАВО и благодарност за сите вакви иницијативи, но освен сериозниот пристап на здружението “3Д принт медицинска опрема” што правеше визири по стандарди, маски се шиеја без никакви насоки и стандарди (можеше барем тоа да им биде посочено на текстилните фирми).


Одлуките за воведување и траењето на полицискиот час исто така беа правени без да се земат во предвид основните правила на однесување на масите во такви ситуации и претпоставките за потребите на населението. Ова доведе до големи гужви во маркетите и пред шалтерите, со што наместо да се минимизира ризикот за ширење на инфекцијата, тој се зголемуваше. А што беше тешко да се претпостави дека голем број на луѓе во скратено време кои имаат иста или слична потреба ќе создадат гужва?! Можеше барем навреме да се воспостави редарска служба пред банките, поштите, маркетите. Слично се случуваше и со јавниот превоз, каде беше направена и редукција на капацитетите.


Голем сомнеж за веродостојноста на сите статистики кои ни беа читани на малите екрани, како тоа читањето да е врвен дострел во менаџирањето на кризата, е тестирањето, тријажата и лекувањето на потенцијално инфицираните и заболените. Два месеци не е сменет алгоритамот за тестирање каде главен критериум е престој во страна држава, а ние два месеци имаме затворени граници и локални жаришта. Не се сменети како критериум во алгоритамот ни симптомите на заболувањето Covid 19, а науката секојдневно го проширува знаењето за оваа болест. Следиме дека за време на викендите и празниците бројот на новооткриени паѓа, што е нелогично за заразно заболување кое има период на инкубација и не бира денови за манифестација на симптоматологијата, па заклучуваме дека во овие денови се намалува бројот на тестирани. Се остава впечаток дека се манипулира со тестирањата, се манипулира со тријажата и навремениот прием на пациентите. Се почнува, па се прекинува со скенинг-тестирањата. Се одредуваат болнички центри, па во други се спроведува лечењето. Се монтираат болници, па се пренаменуваат. Се прави некој план, кој бргу се изјаловува. А резултатот? Инфицирани и заболени здравствени работници, најлоши статистики на милион жители во регионов.


На самиот почетокот на кризата, кога под претпоставка не се засегнати претходните залихи и ресурси, нам ни беше соопштено за голема “дупка” во буџетот! И веднаш следеше заведување со повикување на некаква солидарност со некакво небулозно кратење на платите по системот “линијар”, кој патем падна на Уставен суд (но кому тоа му е важно?!). Убав обид за ескивирање од одговорност, но безуспешен да се сокрие целата стихија, па гледаме носење одлуки кои се поништуваат уште следниот ден во смисол нема отпуштање работници, па има отпуштање, па има малку, па има кредити, па нема кредити, па има, па нема... Сериозен пристап ќе значеше одржливо штедење на сите нивоа и приоритетно и планско пренаменување на средствата. Грижа за населенито ќе значеше стратегиска и организирана, а не партиска помош. За среќа се уште сме општество со одржани семејни релации, па најстарите и најранливите не го осетија ударот на препуштеност на самите себе.


Кога непостојаноста станува постојана, тогаш нема сегмент каде се следи конзинстентност и континуираност. Првично беше најавена контрола на граничните премини и аеродромите, но прашајте ги сите оние кои се враќаа од Осмомартовските патувања, колку им била температурата на граница. Препорачаната самоизолација беше оставена на личен избор, потоа следуваа решенија со ослободување од работа, за по извесен период поединците требаше да вадат и боледувања. Читаме за недефинирање дали Covid 19 е професионално заболување за здравствените работници или не. Ова се работи кои ги засегаат инволвираните и како дополнителен стрес, но и од материјален аспект.


И сега какви маски да се носат? Од оние шиените од гази или N95? Дистанцата 1,5 м или 2 м? Да се тестираме со серолошки тестови или само PCR тестови? Секоја непознаница создава напнатост и страв, а ова води до конфузија, грешки и револт. И што значи попуштање на мерките? Само да не значи новозаболени!

Адриана Богдановска Тоскиќ

Носител на кандидатска листа од Глас за Македонија во ИЕ 2

GLAS logo
  • Grey Facebook Icon
  • Tweet
  • Глас за Македонија канал

СЕДИШТЕ на ГЛАС за Македонија

Ул. Орце Николов 155 б, 1000 Скопје

тел.: 070 542 005 

glaszamakedonija@gmail.com

Регионален штаб на ГЛАС за Македонија СКОПЈЕ ИЕ1

ул. Мито Хаџивасилев Јасмин 36, 3/3/5, 1000 Скопје

Канцеларија СТРУМИЦА ИЕ4

ул. Панче Пешев 30,(патеката од Зегин кон детската болница)

Mарика Петровска +389 70 366 733

Канцеларија ШТИП ИЕ3

Ул. Борис Кидрич, деловен простор бр. 22

Мите Митевски +389 76 737 857

Канцеларија КАВАДАРЦИ ИЕ4

Ул. Мито Хаџивасилев Јасмин бр.47, Кавадарци

Гоце Златев +389 72 932 063

Канцеларија ПРИЛЕП ИЕ4

Ул. 11 Октомври 63 (до фурна „Плетварец”)

Жаклина Дамческа +389 71 209 138

zdamceska@yahoo.com

ДЕНАРСКА СМЕТКА​

Политичка партија „Глас за Македонија” 

ул. Орце Николов 155 б, 1000 Скопје

Цел на дознака: Донација за Глас Скопје

Комерцијална банка АД Скопје, 

Адреса на банка: Орце Николов 3,

1000 Скопје, Р. Македонија

Сметка бр: 300000004214007

Приходна шифра за донации: 562

ДЕВИЗНА СМЕТКА

Beneficiary: Politichka partija “Glas za Makedonija“, Skopje

Address: Orce Nikolov 155b, 1000 Skopje, Macedonia

Account: 0270100348540­

SWIFT: KOBSMK2X

BANK: Komercijalna banka AD Skopje

Bank adress: Orce Nikolov 3, 1000 Skopje, R. Macedonia

IBAN MK07300701003485468

© 2019 Глас за Македонија