МИСИЈА

”Време е ова општество да биде пример за прогрес, економска стабилност и квалитетен живот. Свои на своето. 

 

Македонија може и мора многу повеќе од ова, може и ќе биде успешна приказна и затоа стојам цврсто пред сите вас, за да го повикам лидерот во секој од вас и здружно да ја изградиме одново Татковината. На Македонија и се потребни сите кои ќе дишат и ќе заспиваат со мислата како да го направат своето општество подобро, тргнувајќи секој од себе. 

 

Во нашaтa партија или движење се добредојдени сите граѓани кои се спремни да и бидат лојални на оваа држава, сите оние кои Република Македонија ја чувствуваат како нивна единствена татковина, сите оние на кои државата им е на прво место, а не личните интереси . 

 

Јас го формирам „Глас за Македонија” не за да ви овозможам начин на решавање на вашите лични проблеми, туку да ве повикам на семакедонско и сеграѓанско движење за да завртиме нова страница во историјата на нашата држава. Партиите веќе не смеат да бидат фирми со неограничена одговорност. Партиите се да дадат свој придонес во уредувањето на државата и тоа е единствениот нивен легитимен натпревар. Ве повикувам на борба со ум, со работа и со срце. За подобар живот на сите нас и на сите после нас. 

 

Ајде да го кренеме својот поглед , да застанеме обединето , гордо , цврсто и самостојно и да одлучиме сами за својата судбина. 

 

Да ни е со среќа нашиот Глас за Македонија,

Да ни е вечна Република Македонија.

 

Извадок од говорот на
Проф. д-р Солза Грчева, оснувач и претседател